English

Тавантолгой дотоодод нийлүүлэх нүүрсний үнээ нэмлээ. 2013-9-19

"Таван толгой” компани дотоодын аж ахуйн нэгж, иргэдэд нийлүүлдэг нүүрсний нэг тонн тутмын үнийг 7000 төгрөгөөр нэмж, 15000 болгожээ. Өмнөговь аймгийн ИТХ-ын тэргүүлэгчид үүнийг зөвшөөрсөн байна. Тус компани 13 жилийн турш Дорноговь, Дундговь, Өмнөговь аймгийн хэрэглэгчдэд нэг тонн нүүрсээ 8000 төгрөгөөр нийлүүлж ирсэн аж. Энэ хугацаанд нүүрс олборлох зардал чамгүй өссөн ч орон нутагт хямд нүүрс нийлүүлэх гэрээнийхээ дагуу үнээ нэмэлгүй, жилд 700 сая төгрөгийн алдагдал хүлээдэг байжээ. Тиймээс орон нутагт борлуулах нүүрснээс ашиг олдоггүй юм гэхэд алдагдалгүй ажиллах үүднээс ийн үнээ нэмсэн байна.

Дэлхийн зах зээлд нүүрсний ханш унаж, гадаадад борлуулах нүүрсний хэмжээ багассан нь дотооддоо нийлүүлэх нүүрсний үнээ нэмэхэд нөлөөлжээ. Гэхдээ 15 мянга гэдэг нь зөвхөн нүүрс олборлоход гарч буй зардал гэнэ. Өмнө нь уурхайгаас 8000 төгрөгөөр нүүрс авч, цааш 16000 төгрөгөөр борлуулдаг байсан ченжүүд үүний улмаас жижиглэнгийн үнээ 25000 төгрөг болгосон байна. Тус уурхай долдугаар сарын 6-нд зогсож, есдүгээр сараас нүүрсээ гадаадад гаргаж эхлээд байгаа юм. 2013 оны есдүгээр сарын эхний байдлаар нийт 1.4 сая тн нүүрс борлуулаад байгаа аж.

Бусад